Portieri më i mirë në botë, Gianluigi Buffon, duket se po e kalon vitin e fundit në Juventus. Numri një i Zonjës së Vjetër është vërshuar nga ofertat që po i vijnë nga skuadrat e mëdha evropiane, pasi mediat në Itali raportojnë se në fund të këtij kampionati ai do të largohet nga Vinovo. Pas Manchester City-t dhe Bracelonës, edhe Manchester United ka dërguar zyrtarët e saj në Torino për të shikuar mundësinë e blerjes së Buffonit, edhe pse vetë Giggi akoma nuk është deklaruar asgjë për të ardhmen e tij. Buffon në Juventus ishte transferuar në vitin 2001 nga Parma për rekord transfer të portierëve 52 milionë euro, ndërsa gjatë periudhës së tij në Torino ka arritur të bëhet portieri më i mirë në rruzull. Sipas mediave në Itali, Buffon mund të largohet nga Vinovo, nëse ndonjëra nga skuadrat e interesuara i ka të gatshme 70 milionë euro.