Kaka: “harrojeni realin, në milano përjetë”

Futbollisti më i mirë i Milanos vitet e fundit, Leite Kaka, duket se do t’ i rezistojë edhe ofertës së Real Madridit. Muaj më parë braziliani e refuzoi ofertën marramendëse të Manchester Cityt, ndërsa të njëjtën përgjigje pritet t’ia kthejë edhe klubit mbretëror spanjoll. Ditët e fundit mediat në Spanjë raportojnë se 26-vjeçari ka nënshkruar para-kontratë me kandidatin kryesor për president të klubit mbretëror Florentino Pererz, por ish-topi i artë i ka mohuar këto zëra. “Nuk kam kontaktuar me askënd nga Real Madridi, e aq më pak të nënshkruajë para-kontratë, unë e them se ndihem mirë në Milanelo, dhe do të qëndroj këtu tërë jetën time”, i ka deklaruar Kaka të përditshmes “La Gazzeta dello Sport.”