Cagliari ia vazhdon kontratën trajnerit massimiliano allegri
Një ditë pas spekulimeve në mediat italiane se Milano ka shënjestruar trajnerin e Cagiarit, Massimiliano Allegri, nëse Carlo Ancelotti, largohet nga San Siro, skuadra Sardenjase ka vendosur t’ia vazhdojë kontratën Allegrit deri në vitin 2011. 41 vjeçari Allegri po kalon një edicion të paparë me ishullorët, duke e bërë atë njërin nga trajnerët më të respektuar sot në futbollin italian. Cagliari aktualisht e mban pozitën e shtatë në tabelë dhe nëse vazhdon me këtë ritëm, atëherë me siguri se këtë skuadër edicionin e ardhshëm do ta shohim në Kupën e UEFA-s. Allegri i cili në Cagliari erdhi 6 muaj më parë nga skuadra Sassuolo, në fillim të këtij kampionati ishte pranë shkarkimit pasi skuadra kishte pësuar pesë disfata në pesë ndeshjet e para, mirëpo tani jo që bëhet fjalë për shkarkim, por skuadra po mundohet ta mbajë atë sa më gjatë në krye të klubit.
Sat Apr 11, 2009 3:15 pm